मंगलसेन नगरपालिकाको परिचयः
१. पृष्ठभुमि : सुदुरपश्चिम प्रदेश सरकार अन्र्तगत अछाम जिल्लाको केन्द्रविन्दुमा रहेको मंगलसेन नगरपालिका १० वटा पालिका मध्ये सदरमुकाम रहेको नगरपालिका हो । समुन्द्रि सतहबाट लगभग ५४० देखी २३०० मिटर उचाइमा अवस्थ्ति नगर क्षेत्रमा समशितोष्ण हावापानि पाइन्छ । नगर क्षेत्रको कुल क्षेत्रफल २२० वर्ग कि.मि. छ । मंगलसेन नगरपालिका अछामको सदरमुकाम रहेको स्थान साविकको मंगलसेन, जनालिवण्डालि, कुन्तिवण्डाली, वलिगाँउ, जुपु, बान्नातोली कालागाँउ र बस्ती गा.विस. मिलेर बनेको हो । तत्कालिन अवस्थामा कर्णालि पश्चिम र बुढीगंगा पूर्वको क्षेत्रलाइ अछाम भन्ने गरेको देखिनछ । सोह्रौँ सदाब्दिमा जुम्लाको सिंजाबाट सिजापति राजाहरुको अछाम आगमन पश्चात यस जिल्लामा बाइसे चौविसे राजाहरु अस्तित्वमा आएका देखिन्छन् । अछाम राज्यको राजधानी रहेको सिञ्जा महाराजको पालिकमा यसलाई नौबिस नामबाट संबोधन गर्ने गरिन्थ्यो ।